Fundación Ronsel, embaixadores da GEW 2022

Recentemente fomos nomeados embaixadores da Global Entrepreneurship Week 2022 en España (GEW 2022) adquirindo deste xeito o compromiso de promover e dinamizar o emprendemento en Galicia e desde Galicia.

Para logralo participaremos na organización de diversos eventos cos que facilitaremos a conexión entre emprendedores axudándoos a establecer alianzas e a contactar con outras persoas e entidades tanto de ámbito nacional coma internacional.

¿Qué é a Global Entrepreneurship Week?

A GEW é un evento internacional que este ano terá lugar entre os días 14 e 20 de novembro e que desde fai 15 anos reúne a máis de 200 países co obxectivo de inspirar e empoderar os seus cidadáns animándoos a emprender poñendo a innovación e as boas ideas o servizo de todos.

En definitiva, quere crear un ecosistema de emprendemento global que conecte a emprendedores, inversores, investigadores e responsables políticos arredor dos seguintes valores:

  • Fomento do espírito emprendedor.
  • Promoción da igualdade de oportunidades para emprender.
  • Conexión entre ecosistemas de emprendemento.

A GEW en España

En España a GEW está impulsada por Autoocupació, unha entidade privada sen ánimo de lucro que ofrece servizos de apoio a emprendedores e que coma nós pertence a rede de entidades membros de Youth Business Spain.

A edición do 2021 da GEW en España supuxo un rotundo éxito do que cabe destacar os seguintes fitos:

  • 504 actividades realizadas.
  • Presenza en 29 provincias.
  • 125 organizacións públicas e privadas implicadas.
  • Máis de 15.000 participantes.
  • Alcance de máis de 1.000.000 de persoas a través de medios.

Se tes interese en participar, atoparás toda a información sobre a GEW 2022 e o listado de eventos previstos na seguinte ligazón:

https://www.genglobal.org/spain

Deixa un comentario