Programa Mentoring Traballo Autónomo
Obxectivos
Reducir os riscos das persoas traballadoras autónomas na súa actividade profesional, acompañalas na adaptación ou transformación dos seus negocios ás necesidades de mercado e a situación actual, e contribuír, mediante melloras nas áreas de xestión e outras, ao incremento dos seus contactos profesionais e a súa actividade económica.
Apoiar a 200 persoas autónomas dentro da Comunidade Autónoma de Galicia.
Condicións para participar
Poderán ser beneficiarias/os do proxecto as persoas traballadoras autónomas que:
- Teñan o seu domicilio fiscal na CA de Galicia.
- En primeiro lugar, e de xeito preferente, teñan recibido algunha axuda dos “Plans de Rescate da Xunta de Galicia dirixidos a persoas traballadoras autónomas e microempresas”.
- En segundo lugar, e de xeito preferente, teñan unha antigüidade mínima de 42 meses de actividade profesional.
- En terceiro lugar, e de xeito preferente, teñan recibido algunha outra axuda da Xunta de Galicia dirixidas a persoas traballadoras autónomas.
- Que se anoten, de forma voluntaria e no prazo marcado, cubrindo o formulario de inscrición dispoñible na páxina web da Oficina do Autónomo.
- Excepcionalmente, e no caso de que quedasen vacantes, poderán inscribirse as persoas traballadoras autónomas que participaran en edicións anteriores do Programa de Mentoring Traballo Autónonomo.
Plan de acción
- Cada persoa traballadora autónoma participante asistirá a un obradoiro de formación de 4 horas para coñecer o proceso do Mentoring e os seus protocolos de actuación.
- A cada persoa traballadora autónoma participante asignaráselle un mentor ou mentora (“matching”) en función do tipo de apoio indicado na ficha de inscrición.
- Cada “matching” celebrará un mínimo dunha reunión mensual, cunha duración estimada de 1 a 2 horas, e durante un período máximo de 7 meses.
- Durante a relación de mentoring, ofreceranse “mentorías de apoio” para, de forma puntual, poder traballar outras áreas de traballo.
- Ao finalizar o “matching” formalizarase o seu peche e analizaranse os obxectivos acadados.
Máis información
Podes ampliar información sobre o Programa de Mentoring.
Inscríbete
Podes inscribirte no Programa de Mentoring.
