25 anos creando oportunidades en Galicia
Acompañamos ás persoas a descubrir o seu potencial, superar retos e construír unha Galicia máis próspera para todas, sen importar de onde veñen nin as dificultades que enfrontan.
Este é o propósito que nos guía.
Fundación Ronsel
A nosa fórmula para facelo realidade
Apoio a emprendedores
Axudamos a transformar ideas en negocios sostibles que impulsen a economía local.
Orientación sociolaboral
Ofrecemos apoio integral a persoas en situación de vulnerabilidade para que recuperen a súa autonomía.
Innovamos desde a investigación
Creamos ou formamos parte de proxectos que contribúen ao avance tecnolóxico e económico de Galicia, posicionando a rexión como un referente en Europa.
Comunidade de crecemento persoal e profesional
Desde o ano 2000, impulsamos unha comunidade de crecemento persoal, profesional e empresarial.
- Máis de 20.000 persoas apoiadas para emprender, atopar emprego ou fortalecer os seus proxectos.
- Presenza en toda Galicia, tanto en zonas urbanas como rurais, contribuíndo así ao equilibrio territorial.
- Programas pioneiros como Galicia Camiño Emprendedor, que une mentoría, natureza e comunidade, e Faro, deseñado para apoiar autónomos en momentos de incerteza.
O equipo, a nosa forza motriz
Na Fundación Ronsel cremos firmemente no valor das persoas. O noso equipo está composto por:
- O padroado: encargados de guiar o noso propósito e garantir a transparencia das nosas accións.
- Un equipo humano apaixonado: formado por orientadores, educadores sociais e especialistas en emprendemento. Profesionais que escoitan, acompañan e traballan man a man con cada persoa.
- Unha rede de mentores: composta por profesionais de Galicia do máis alto nivel, que acompañan os emprendedores no seu crecemento para axudalos a superar os desafíos do emprendemento.
"Cada membro de Ronsel comparte un soño común e dá sentido ao noso propósito. Aplicamos o traballo en rede desde o seo da nosa organización."
Rafa Vázquez | Coordinador da Fundación Ronsel e padroeiro
Traballo en rede
O liderado compartido é un piar clave da maneira en que entendemos a nosa labor. Cremos que as mellores solucións nacen da colaboración. Por iso, formamos parte de:
- Youth Business Spain, rede que actualmente presidimos.
- Rede Europea de Loita contra a Pobreza (EAPN).
- Colaboramos con empresas, institucións públicas e outras fundacións, construíndo un ecosistema de apoio onde as oportunidades se multiplican.
"En Ronsel, cremos que o impacto constrúese xuntos. A través de alianzas con organismos públicos e privados e da nosa presenza en eventos nacionais e internacionais, estamos contribuíndo ao desenvolvemento económico de Galicia."
Luis García | Director Xerente da Fundación Ronsel
Así avanzamos en Ronsel
Unha comunidade de coñecemento e crecemento persoal, profesional e empresarial.
Empatía
Escoitamos e acompañamos as persoas desde a súa autenticidade, poñéndonos no seu lugar e respectando as súas necesidades e circunstancias. Ofrecemos as ferramentas para que cada persoa poida construír o seu propio camiño.
Coherencia
Transparencia, sinceridade e honestidade en todas as nosas accións. Isto inclúe unha comunicación aberta sobre os nosos proxectos, financiamento e obxectivos.
Actitude emprendedora
A iniciativa, a resiliencia, a innovación e a toma de riscos forman parte do ADN da Fundación Ronsel. Fomentamos unha mentalidade emprendedora como unha maneira de afrontar os desafíos da vida e evolucionar persoal e profesionalmente. Esta actitude impulsa o noso espírito de superación.
Xuntos, abrimos o camiño cara a unha Galicia de oportunidades
Forma parte do cambio
