Os autónomos son parte fundamental do tecido produtivo de Galicia e un colectivo prioritario dada a súa importancia na creación de emprego e no crecemento económico da comunidade.
A Consellería de Economía, Emprego e Industria da Xunta de Galicia promove en colaboración coa Fundación Ronsel o Proxecto Piloto de Mentoring para Profesionais Autónomos.
Obxectivos do programa
O programa axudará a 200 profesionais autónomos de Galicia a acadar os seguintes obxectivos xeráis:
- Consolidar os seus negocios.
- Reducir riscos na súa actividade profesional.
- Mellorar a xestión.
- Aumentar os contactos profesionais.
Entre as medidas tradicionais de apoio a este colectivo atópanse a formación, a capacitación e o financiamento.
Apoio a través do mentoring
Nesta ocasión, a Consellería de Economía, Emprego e Industria decidiu incorporar por primeira vez o mentoring, unha ferramenta coa que Fundación Ronsel foi pioneira e é referente en Galicia.
Trátase dun mentoring experiencial, unha metodoloxía desenvolvida ao longo dos últimos anos coa Rede de Youth Business Spain da que Fundación Ronsel é membro desde 2015 e cuxo obxectivo principal é a promoción do emprego e o apoio do emprendemento con principal foco no autoemprego e a creación de emprego.
Esta rede, que forma parte de Youth Business International (presente en 54 países), integra 13 comunidades autónomas e demostrou a efectividade do seu funcionamento como pode comprobarse no Informe de impacto del mentoring elaborado por PwC.
Esta metodoloxía de mentoring resulta especialmente axeitada para apoiar aos/as profesionais autónomos xa que lles proporciona a un profesional que os axuda a poñer foco real sobre a xestión, organización e planificación dos seus negocios, algo que adoita esquecerse ao estar centrados no seu intenso día a día.
Durante este programa piloto realizaranse varias etapas do Camiño de Santiago nas que mentores e autónomos camiñarán xuntos madurecendo o proxecto empresarial nunha contorna saudable, sen barreiras e moi diferente a cotiá.
Información e inscripcións
As inscripcións para o Proxecto Piloto de Mentoring para Profesionais Autónomos estarán abertas ata o 30 de abril ou ata esgotar as 200 prazas dispoñibles.
Atoparás toda a información na páxina Galicia Camiño Emprendedor.
