A Xunta de Galicia e a Fundación Ronsel pomos en marcha unha nova edición de Galicia Camiño Emprendedor, un programa de mentoring para persoas emprendedoras que se realiza compartindo unha etapa do Camiño de Santiago e coa que queremos impulsar os negocios dos participantes.
O obxectivo deste programa é apoiar a autónomos e emprendedores acompañándoos na consolidación dos seus negocios e axudalos a crear ou fortalecer unha sólida rede de contactos profesionais. O mesmo tempo, queremos posicionar Galicia e máis concretamente o Camiño de Santiago coma un destino non so de ocio senón tamén de actividade económica, promovendo a sostibilidade e o alineamento cos ODS.
Durante os meses que restan de 2023 realizaremos 4 etapas, unha en cada unha das provincias galegas, nas que os autónomos, emprendedores e empresarios que decidan participar poderán recibir acompañamento persoalizado en áreas específicas de traballo, xerar novas relacións profesionais, fomentar as habilidades de comunicación e establecer un plan de acción a curto prazo.
Se estás interesado en participar, atoparás toda a información e o formulario de inscripción na seguinte ligazón. Ten en conta que este ano as prazas son moi limitadas e que se asignarán por estrita orde de inscrición.
