Endesa e Fundación Ronsel rematamos de firmar un acordo de colaboración co que queremos axudar a autónomos e micropemes galegas a reorientar, reactivar e dixitalizar os seus negocios fronte a críse da Covid-19 favorecendo a súa adaptación e apoiando a continuidade da súa actividade e a dos empregos que xeran.
Este acordo forma parte do Plan de Responsabilidade Pública de Endesa xestionado a nivel nacional xunto con Youth Business Spain (YBS) organización da que Fundación Ronsel é o socio local autorizado para Galicia desde 2016.
O noso obxectivo é ofrecer formación, asesoramento e asistencia técnica a 75 pemes y profesionais autónomos así coma outorgar 54.000€ a través de microcréditos sociais de ata 5.000€.
Servizos
A axuda materializarase a través de servizos tanto financieiros coma non financieiros:
- Webinars para a dixitalización de actividades económicas.
- Seminarios cos que desenvolver as competencias persoais (soft skills) que axudarán os empresarios a afrontar as situacións de incertidume.
- Mentoring empresarial.
- Axudas económicas non reembolsables de entre 300 e 500€ por beneficiario.
- Microcrédits sociais de ata 5.000€ a un tipo nominal do 0% e reembolsables ata en 24 cotas mensuais.
Perfil dos beneficiarios
Este programa diríxese a todas aquelas persoas que teñan un negocio con sede en Galicia e que estén atravesando por dificultades derivadas da emerxencia sanitaria provocada pola pandemia e pola parálise da actividade económica en moitos sectores.
Daráselle prioridade as persoas pertencentes a colectivos vulnerables:
- Mozos e mozas de ata 35 anos.
- Seniors de 55 a 65 anos.
- Mulleres.
- Inmigrantes
- Persoas pertencentes a etnias minoritarias.
- Persoas con mobilidade reducida.
En canto o perfil empresarial, o programa diríxese a proxectos de autoemprego, empresas unipersoais ou de 2 socios e de ata 5 empregados.
Se o teu negocio ten a súa sede en Galicia e cres que podemos axudarche a impulsalo, cobre os cuestionarios que atoparás nestas ligazóns:
Endesa e Fundación YBS – Contigo
Endesa e Fundación YBS – Reactiva
Se tes calquera dúbida o pregunta contacta directamente connosco no correo:
info@fundacionronsel.org
