En colaboración ca Xunta de Galicia presentamos unha nova edición de Galicia Camiño Emprendedor, un proxecto que comezou no 2017 e que ten coma obxectivo impulsar proxectos empresariais a través do mentoring no Camiño de Santiago.
Coma nas anteriores edicións, o obxectivo deste programa é apoiar a profesionais autónomos e empresarios acompañándoos na consolidación e mellora dos seus negocios a vez que promocionamos Galicia e o Camiño de Santiago coma destino de ocio e actividade económica.
Este ano, coma novidade e baixo o lema #12Etapas12Retos, promoverase a sostibilidade e a igualdade de oportunidades vencellando os obxectivos de cada un dos participantes cos Obxectivos de Desenvolvemento Sostible (ODS) e tentando que integren canto menos un nos seus obxectivos empresariais.
O longo deste programa, os participantes poderán mellorar os seus proxectos empresariais, xerar novos contactos profesionais, avaliar o seu modelo de negocio e elaborar un plan de acción acompañados por un mentor que se adaptará a súa situación e necesidades concretas.
As etapas de #12Etapas12Retos, nas que esperamos que participen unhas 200 persoas, recorrerán todas as rutas oficiais do Camiño de Santiago e pasarán polas 4 provincias galegas polo que esperamos que supoñan un grande impulso o talento, o emprego, o turismo e a cultura de Galicia.
Atoparás toda a información das etapas que faremos o longo deste ano e as condicións de participación na seguinte ligazón:
