Galicia Camiño Emprendedor cumpliu 10 anos acompañando a profesionais autónomos e persoas emprendedoras no desenvolvemento e consolidación dos seus proxectos.
Con motivo deste aniversario e coma colofón a última etapa do 2025, con final na Praza do Obradoiro, celebrouse un acto conmemorativo en Santiago de Compostela. Un encontro que serviu para poñer en valor o percorrido do programa e o papel da mentorización coma ferramenta de apoio real e transformador para autónomos e emprendedores. Foi tamén un espazo de reencontro con moitas das persoas e entidades que formaron parte deste camiño o longo dunha década.
O acto contou ca participación de Pablo Fernández, secretario xeral de Emprego e Relacións Laborais da Xunta de Galicia, e de Ildefonso de la Campa, director da Sociedade Anónima de Xestión do Plan Xacobeo, quenes destacaron o valor desta iniciativa para fortalecer o tecido emprendedor e xerar novas oportunidades no territorio.
Impulsado pola Consellería de Emprego, Comercio e Emigración, en colaboración con Turismo de Galicia, Galicia Camiño Emprendedor combina o acompañamento persoalizado a persoas emprendedoras cunha experiencia compartida no Camiño de Santiago. Un enfoque innovador que reforza tanto o crecemento dos proxectos coma a promoción de Galicia e da Ruta Xacobea coma espazo de encontro, aprendizaxe e actividade económica.
A metodoloxía do programa baséase na mentorización, entendida coma unha relación de confianza entre a persoa mentora e a persoa emprendedora, construida a través da conversación. Esta relación próxima, nunha contorna natural moi distinta a habitual, facilita o intercambio de coñecementos, a toma de decisións e a creación de novas redes profesionais, elementos clave para o crecemento sostible dos proxectos.
Desde a Fundación Ronsel seguimos convencidos da importancia de situar as persoas no centro, potenciar o seu talento e faciltar a colaboración como motor de desenvolvemento.
Dez anos despois, esta iniciativa segue a demostrar que o acompañamento, a escoita e o traballo en rede resultan esenciais para impulsar un emprendemento con impacto social e futuro.
¡Bo Camiño, emprendedores e emprendedoras!
